Propozimi i PS-së për të ndryshuar rregulloren e Kuvendit dhe për të krijuar 11 komisione të përhershme ka sjellë debate mes opozitës dhe mazhorancës gjatë seancës së sotme plenare.
Opozita i kundërshton këto ndryshime pasi i cilëson si antikushtetuese. Kreu i Grupit Parlamentar të PS-së, Taulant Balla nga ana tjetër, i kërkon opozitës që të votojnë ndryshimet, pasi ai thotë se mazhoranca asnjëherë nuk do të propozonte diçka që bie në kundërshtim me Kushtetutën.
Taulant Balla: Ne e dimë shumë mirë që ju s’do jeni dakord me ne. E di si thoni ju? Ju thoni “kur ne jemi dakord, Kushtetuta mund të shkelet”. Tani që po ndryshojmë nenin, është kundër rregullores, antikushtetuese. Jo, kolegë deputetë. Ne nuk do të bëjmë asnjë hap, asnjëherë nëse ka bindjen që ka shkelje. Këtu nuk ka asnjë shkelje. Ne kemi përgjegjësi, jemi votuar për këtë agjendë. Kemi marrë një mandat që të mbyllim në 2029-ën anëtarësimin e Shqipërisë në BE. Shqipëria ka nevojë për një Kuvend që e përqas agjendën e vet të punës me kapitujt e marrëveshjes së anëtarësimit të Shqipërisë në BE. Prandaj na duhet që sot të votojmë të gjitha ato komisione që kemi sjellë propozim, Kuvendi ta oganizojë punën e vet me 11 komisione./vizionplus.tv
