Për herë të parë investitorë të mëdhenj të botës, lider biznesi si dhe drejtues shtetesh u bënë bashkë në forumin ekonomik ndërkombëtar që u zhvillua në Tiranë, “Iniciativa e Investimeve të së Ardhmes”.
Një prej investitorëve që përshëndeti këtë forum nëpërmjet një video mesazhi ishte, Jared Kushner, dhëndri i presidentit amerikan Donald Trumop.
Kushner pritet të ndërtojë një resort elitar në zonen turistke të ishullit të Sazanit. Ai dha disa detaje si u njoh me Shqipërinë dhe pse vendosi të investojë në vendin tonë.
“Isha me pushime, shpenzuam disa ditë në Shqipëri, në një nga netët u takuam me kryeministrin Rama, unë u impresionova nga vizioni i tij dhe se çfarë ai donte të bënte me Shqipërinë. Nuk dija asgjë për vendin por Edi mu duk një politikan shumë i zoti dhe kuptova çfarë mund të bëjë një artist me një vend. Ata do të ndërtojnë një aeroport në Vlorë, dhe kjo është një mundësi shumë e madhe për t’u shfrytëzuar në rajon”, tha Jared Kushner, themelues i “Affinity Partners”.
Në fjalën e tij në forum Kushner premtoi se investimi do të jetë spektakolar dhe se do të realizohet më shpejt nga sa e kishte menduar.
“Isha shumë i tërhequr nga rajoni dhe zhvillimet rajonale demografike. Shpenzuam 1 vit me studim tregu. Pas një analize rezultoi se mjedisi ishte perfekt. Shumë njerëz më kanë pyetur pse po investojmë në Shqipëri. Shumë veprime të qeverisë po ndryshojnë klimën e jetesës – ato përkthehen në rroga më të larta, në më shumë mirëqenie. Është një lokacion perfekt. Shumë pak km larg Italisë, 10 minuta distancë nga aeroporti i ri. Do të ndërtojmë diçka spektakolare dhe do e prezantojmë së shpejti”, tha Kushner.
Ky forum përkon me takimin e Komunitetit Politik Të Europës. Pjesëmarrësit në samit e vunë theksin te bashkëpunimi i kontinetit Evropian, për të përballuar sfidat ekonomike dhe tensionet gjeopoltike./vizionplus.tv
