Noizy është një nga reperat më të suksesshëm në Shqipëri. Interesi i fansave ndaj tij është jo vetëm për anën profesionale, por edhe për atë personale edhe pse reperi rrallëherë ka treguar publikisht lidhjet e tij të dashurisë. Kohët e fundit, mediat kanë shkruar se Noizy është në një lidhje me një vajzë shqiptare që banon në Francë, edhe pse ai gjithnjë e ka mohuar.
Mbrëmjen e djeshme ai ka postuar disa foto dhe video në Instastory ku tregon se ka shkuar në Venecia. Nga pamjet shihet se reperi nuk ka qenë vetëm në qytetin romantik. Ai është shoqëruar nga një bionde, së cilës nuk ia ka treguar fytyrën. Të jetë kjo vallë e dashura e Noizy-t? Pavarësisht dyshimit me siguri ajo duhet të jetë një person i veçantë për reperin, duke qenë se ai ka zgjedhur që arratiset në qytetin e dashurisë në shoqërinë e saj.
