Ministria e Shëndetësisë e Kosovës njoftoi më 26 dhjetor se janë regjistruar 12 raste të reja me koronavirus. Rastet e reja rezultuan pas testimit të 2.430 mostrave.
Sipas njoftimit, në 24 orët e fundit është shënuar një viktime nga COVID-19. Në total numri i rasteve aktive është 349.
Sa i përket vaksinimit, në 24 orët paraprake 768 persona kanë marrë doza të vaksinave kundër koronavirusit. Që nga muaji mars, kur nisi fushata e imunizimit e deri më 26 dhjetor, në Kosovë me dy doza të vaksinës janë imunizuar 780.228 qytetarë.
