Aludohet se projekti i dytë i albumit të saj “Reputation” i dedikohet të dashurit të saj të ri, që ka qëndruar në hije gjatë gjithë stinës së verës.
Një burim për “The Sun” ka konfirmuar se këngëtarja Taylor Swift është në një lidhje me aktorin britanik Joe Alwyn. Ata kanë kaluar të gjithë verën së bashku duke bërë të pamundurën që të shmangnin gazetarët apo paparacët.
Ajo që i ka ndihmuar të mbajnë lidhjen e tyre të fshehtë ka qenë pikërisht modelja Cara Delevigne e cila u ka liruar çiftit shtëpinë në mënyrë që ata ta njohin njëri-tjetrin sa më mirë.
Po i njëjti burim shton se ata janë të çmendur pas njëri-tjetrit dhe se gjithashtu kanë njohur dhe fituar simpatinë e prindërve të tyre.
