Edicioni i 18 i “Giro d’Italia” nisi zyrtarisht rrugëtimin këtë të premte nga Durrësi.
Shqipëria mirëpret si asnjëherë më parë tre etapat e fillimit të një prej turneve më të famshëm çiklistik në botë, mundësi unike jo vetëm në aspektin sportiv për vendin tonë, por mbi të githa një turne promovues për Shqipërinë turistike.
108 çiklistë startuan në orën 13:30 nga qendra e Durrësit garën e parë të këtij edicioni të “Giro d’Italia” nën kuriozitetin e madh të qytetarëve dhe të apasionuarve pas këtij sporti.
Etapa e parë me gjatësi 160 km kalon nga Durrësi drejt Rrogozhinës, Elbasanit me finish në Tiranë pak pas orës 17:00.
Etapa e dytë është kronometër të shtunën në Tiranë, ndërsa e treta dhe e fundit në Shqipëri është të dielën Vlorë-Qeparo-Vlorë me kalim nga Bregu i Lumit dhe kthim nga Qafa e Llogarasë.
Dy favoritë kryesorë për triumfin final janë slloveni Primoz Roglic dhe spanjolli Huan Ajuso./vizionplus.tv
