Ministri Damian Gjiknuri në Real Story deklaroi se projekti i Unazës së Re është projekt Kombëtar që do i shërbejë të gjithë vendit.
Sipas tij ARRSH u ka bërë thirrje qytetarëve që janë të shqetësuar dhe që mund të preken nga ky projekt, së bashku me dokumentat e objekteve të tyre të paraqiten pranë zyrave për të marrë dhe të drejtën e plotë ligjore në lidhje me pronën.
Atje kanë shkuar ekspertët dhe kanë vendosur gjurmën e projektit më pas do të bëhen matjet e duhura për të përcaktuar dhe se cilat banesa do të prishen dhe cilët do të legalizohen.
“Gjithashtu ka dhe objekte të cilët nuk mund të legalizohen sepse ndërtimet e tyre mund të jenë bërë në gjurmët e përcaktuara për hapësira rrugore. Ndërkohë që nuk e vë në dyshim se mund të ketë dhe shumë nga ato qytetarë që mund të kenë përfituar për arsy të ndryshme legalizimin e banesave të tyre nga PD ose në prag fushatash elektrorale. Ky është një proces që ka dalë që në 2006 që në kohën e Berishësh që kur i ka rënë një projekt rruge kush ka pas një dokument legalizimi ka marrë shpërbimin e duhur, por pse po bëhet kaq zhurmë tani apo u gjet rasti se dëshirojnë të rrëzojnë Edi Ramën.”
Gjiknuri theksoi se ato që janë më agresivë janë ato që kanë bërë biznese jane rreth 170 godina te tilla, ku pjesa më e madhe janë pa letra dhe disa të tjera kanë marrë legalizim antiligjore dhe që prokuroria duhet ti shkoje deri në fund.
Ndër të tjera ministri është shprehur se patjetër që qeveria duhet ta ketë anën humanitare, pasi çdo qeveri ka nevojë për përkrahjen e njerëzve.
“Të gjithë qytetarët që do të preken nga prishja e banesave do të ndihmohen 3 vite bonus qeraje, nga Bashkia e Tiranës, fondet do ti japë Qeveria, dhe ne do të shikojmë mundësinë për tu bërë pjesë e banesave sociale pra për kredi të buta kjo është zgjidhja që ne e kemi menduar për këta qyetarë. Kush eshte pronar do te shpronesohet sipas ligjit. Nese nuk eshte i kenaqur, mund te shkojne ne Gjykate. Per kategorine tjeter, ne do te bejme publike listen e personave qe perfitojne kredi.”
