Negociatorët e mazhorancës dhe opozitës kanë ndërprere për herë të dytë bisedimet në ambientet e rezidencës amerikane në Tiranë ku po diskutohet me orë të tera për të gjetur kompromisin mbi reformën zgjedhore.
Damian Gjiknuri, Oert Bylykbashi, Petrit Vasili dhe Rudina Hajdari hynë në ambientet e rezidencës në orën 11:00 nën praninë dhe mbikëqyrjen e ambasadores amerikane Juri Kim, diplomatit të BE Luixhi Soreka dhe ambasadorit britanik Dunkan Norman. Në ata u larguan për t’u takuar me krerët e partive përkatëse. Gjiknuri zhvilloi një takim në selinë e qeverisë me kryeministrin Rama, të cilit i paraqiti rezultatet e bisedimeve edhe Oerd Bylykbashi bisedoi me Bashën në selinë e PD
Negociatorët iu drejtuan më pas sërish rezidencës amerikane ku rinisën bisedimet për reformën. Palët ende ndahen për çështjet që kanë të bëjnë me depolitizimin e administratës zgjedhore si dhe procesin e ankimimit. Pas ndërprerjes së dytë të bisedimeve rreth orës 19:00, është bërë e ditur se palët do të kthehen në tryezë në orën 20: 30 për të vijuar diskutimet intensive. Një ditë më parë gjithcka u mbyll rreth orës 20:00 pas afro 9 orë bisedash ndërsa këtë të mërkurë gjasat janë që mbledhja të zgjasë edhe më shumë nëpritje të “tymit të bardhë”.
