SHBA-të kanë arrestuar një kontraktore nën akuzat se ka publikuar në një portal lajmesh informacione sekrete lidhur me ndërhyrjen e pretenduar ruse në politikën amerikane.
25-vjeçarja Reality Leigh Winner dyshohet se ka mbledhur, transmetuar ose humbur materiale të klasifikuara të mbrojtjes nga një godinë e Agjensisë Kombëtare të Sigurimit, në shtetin e Xhorxhias.
Akuzat ndaj saj u lajmëruan shkurtimisht pasi portali “Intercept” publikoi një konferencë të Agjensisë Kombëtare të Sigurimit mbi ndërhyrjen e pretenduar ruse në politikën amerikane.
Në këtë dokument thuhet se shërbimet e inteligjencës ushtarake të Moskës janë përpjekur të kryejnë sulme kibernetike në të paktën një software votimi vetëm pak ditë para zgjedhjeve presidenciale të nëntorit, ndërhyrje e cila rezultoi e suksesshme.
FBI dhe disa komisione të kongresit po hetojnë çështjen, ndërkohë që presidenti Trump vazhdimisht i ka mohuar akuzat për ndërhyrjen e Rusisë.