Presidenti Ilir Meta u ka uruar të gjithë besimtarëve myslimanë Natën e Kadrit.
Përmes një mesazhi në “Facebook”, kreu i shtetit shkruan se nata e bekuar na kujton mësimet e Profetit Muhamed se besimi më i mirë është tek durimi.
“Gëzuar Natën e Bekuar të paqes së madhe dhe të zbritjes së Kuranit, që na kujton mësimet e mençura të Profetit Muhamed se besimi më i mirë është tek durimi. Zoti jua pranoftë lutjet dhe agjerimin të gjithë besimtarëve! Bekimet e Tij, mirësia dhe paqja mbizotëroftë në familjet Tuaja”, shkruan Meta.
