Kryeministri Edi Rama ka shpallur një projekt të rëndësishëm për zhvillimin e turizmit të skive në Shqipëri. Në rrjetin e tij social, ai njoftoi se është koha për ndërtimin të një qendre turistike për skitë, e cila do të vendosë Korçën në hartën europiane të turizmit të skive. Rama e theksoi se ky projekt do të kontribuojë në zhvillimin e mëtejshëm të ekonomisë lokale dhe të sektorit të turizmit, duke krijuar mundësi të reja për rritjen e vizitorëve dhe të ardhurave.
“Tani i ka ardhur radha qendrës së parë turistike të skive në Shqipëri, një projekt që do ta fusë Korçën në hartën europiane të turizmit të skive dhe do të ndezë një motor të ri me shumë kuaj fuqi në ekonominë e të gjithë këtij qarku ku lidhjet e rilindura rrugore me Kolonjën e Përmetin kanë sjellë një vlerë të shtuar në paketën e bukur turistike të kësaj zone. Mirë e më mirë dhe më e mira është e gjitha përpara për Korçën e të gjithë Shqipërinë”, tha Rama.
Kryeministri shprehet se Korça ka ndryshuar tërësisht përs ai përket turizmit dhe tani vizitohet çdo fundjavë nga turistë të huaj.
“Korça bre Korça, këtë dimër si asnjë dimër 160 e kusur bujtina njëra më e bukur se tjetra, plot e përplot çdo fundjavë, rreth gjysmë milionë vizitorë e turistë që kalojnë të paktën një natë në Parisin e vogël gjatë vitit. Një dekadë më parë mezi i kalonin 50 mijë ne vit dhe nuk kishte këmbë të huaji. Ndërkohë që bujtinat numëroheshin me gishta dhe mezi mbanin veten”, tha Rama.
