Mbyllet gjyqi për grupin e Habilajve në gjykatën e Katanias në Itali.
“Meridionews” beri te ditur se Moisi Habilaj I cili akuzohet se ka qënë në krye të grupit që trafikonte drogë nga Vlora drejt brigjeve italiane është dënuar me 15 vite e 5 muaj burg.
Dënimi për Moisi Habilaj është 3 vite pak nga sa kishte kërkuar prokuroria.
Po në kuadër të grupit kriminal me shqiptarë dhe italiane të shkaterruar në 14 nentor 2017, u arrestuan edhe disa shokë të tjerë dhe bashkëpunëtore shqiptarë të Moisi Habilajt.
Gjithnje referuare lajmit te publikuar ne faqen online te “Meridionews.it”, Nezar Seiti u dënua me 7 vjet e katër muaj ndërsa Meridian Sulaj me 8 vjet e katër muaj burg.
U dënuan me burg gjithashtu edhe 6 shtetas italiane ndërsa 4 të tjerë u lanë të lirë.
Të gjithë shtetasit e dënuar akuzohen se kanë trafikuar sasi të mëdha kanabisi nëpërmjet detit nga Shqiperia drejt Italisë për disa vite me radhë.
Në kuadër të këtij grupi u hetua nga akuza italiane edhe ish ministri I brendshëm Saimir Tahiri pasi dyshohej se grupi i Habilajve gjatë përgjimeve fliste edhe në emrin e tij, por hetimet u pushuan pasi këto dyshime nuk u provuan kurrë.
