Italia ka arritur të izolojë koronavirusin. Lajmin e bëri të ditur ministri Italian i Shëndetësisë, Roberto Speranza përmes një postimi në “Tëitter”. Ai e cilësoi këtë si një hap të rëndësishëm që do të ndihmojë shkencëtarët të përshpejtojnë kërkimet.
“Koronavirusi në Spallanzani në Romë është izoluar. Një hap për të gjithë shkencëtarët, që do të lejojë përshpejtimin e kërkimeve mbi këtë sëmundje. Italia ka një nga shërbimet më të mira shëndetësore në botë këtë e tregoi sërish sot.”
Në 30 janar u konfirmuan dy shtetas në Romë të Italisë me koronavirus. Ata ishin strehuar në një hotel dhe ishin turistë kinezë, të cilët u izoluan menjëherë. Pas këtij lajmi, kryeministri Italian, Giuseppe Conte mbylli linjën ajrore Itali-Kinë.
