Gjatë mbledhjes me kryebashkiakët, ku po diskutohet për administrimin e mbetjeve ministrja e Turizmit Mirela Kumbaro i përballi kryebashkiakët me fotografi që tregojnë gjendjen akutale.
Kumbaro tha se fotot janë bërë së fundmi në Bashkitë e vendit nga Saranda në Shkodër, ku rrugë, parqe e zona të tjera janë të tejmbushura nga mbeturinat. Ajo kërkoi nga kryebashkiakët të bëjnë më tepër, në mënyrë që sezoni i ardhshëm turistik t’i gjejë të përgatitur.
“Ja situata në Durrës, Vlorë, Himarë, Shkodër, Sarandë, në Fier, etj. Nuk gjeta foto nga Qarku i Korccës, me duhet ta pranoj, ose nuk më sollën”, tha Kumbaro, duke apeluar se situata duhet të ndryshojë. Ajo dha modelin e Lezhës e cila ka bërë një punë shumë të mirë. Pse plazhet e Lezhës janë ndër më të pastrat? Sepse ka menaxhim”, tha ajo.
