Një qytetar ka humbur jetën gjatë 24 orëve të fundit nga COVID. Bëhet fjalë për një 61-vjeçar nga Prrenjasi.
Ndërkohë, nga 2,170 testime të kryera, kanë rezultuar pozitivë 12 qytetarë.
“Rastet pozitive të konfirmuara janë identifikuar në këto bashki: 5 raste në Tiranë, 3 raste në Berat, 1 rast në Shkodër, Vau Dejës, Elbasan, Sarandë.”
Aktualisht në spitalet COVID po trajtohen 42 pacientë, nga të cilët 7 pacientë janë në terapi intensive.
Nga ana tjetër, janë shëruar 93 qytetarë, duke e çuar numrin e të shëruarve në 129,308 që nga fillimi i epidemisë.