Këtë të premte nga Ministria e Shëndetësisë u konfirmuan 739 raste të reja dhe shtatë humbje jete nga koronavirusi.
Sipas njoftimit për mediat, në 24 orët e fundit janë kryer 3.314 testime, që kanë zbuluar pjesën më të madhe të të infektuarve në Tiranë.
Pacientët që kanë humbur betejën me sëmundjen janë të moshave 59-75 vjeç.
Aktualisht në 4 spitalet COVID, po trajtohen 274 pacientë, 23 në terapi intensive nga të cilët 5 pacientë janë të intubuar. Ndërsa numri i të shëruarve nga koronavirusi është 469.
