Shqetësimi i thellë i Bashkimit Evropian për përshkallëzimin e sulmeve izraelite kundër anëtarëve të forcës paqeruajtëse të OKB-së (UNFIL) në Liban u theksua edhe nga kreu i diplomacisë evropiane, Josep Borrell.
Si pasojë, kjo çështje pritet të jetë temë diskutimi në Këshillin e Punët e Jashtme, që do të mbahet sot në Luksemburg.
Lexo edhe :
Related Posts
“BE është thellësisht e shqetësuar për përshkallëzimin e fundit përgjatë vijës blu,” tha Borrell, duke shtuar se “BE dënon të gjitha sulmet kundër misioneve të OKB-së.”
Josep Borrell dhe Shërbimi Evropian i Veprimit të Jashtëm (EEAS) kishin përgatitur draftin përkatës që nga e premtja, por marrëveshja e 27 vendeve anëtare ishte e paarritshme pasi disa kryeqytete evropiane konsideruan se teksti përmbante një gjuhë “të ashpër” ndaj Izraelit.
Megjithatë, të premten, Spanja, Franca dhe Italia lëshuan një deklaratë të përbashkët duke i quajtur sulmet izraelite “të pajustifikuara” dhe duke akuzuar Izraelin për shkelje të Rezolutës 1701 të Këshillit të Sigurimit të OKB-së dhe ligjit ndërkombëtar humanitar.
Ministrat e jashtëm të BE-së pritet të diskutojnë këtë çështje sot në Luksemburg, pasi të paktën 16 shtete anëtare janë përfshirë aktivisht në misionin e OKB-së. Ekziston një shqetësim i dukshëm për vdekjet e tyre dhe kjo çështje sigurisht që do të ngrihet nga ministrat e jashtëm të vendeve anëtare të interesuara./vizionplus.tv
