Ministri i Mbrojtjes, Niko Peleshi është infektuar me koronavirus.
Lajmin e dha vetë Peleshi përmes një postimi në “Facebook”.
Ai u shpreh se po përjeton simptoma të lehta të sëmundjes, shkruan “Vizion Plus”.
“Me gjithë kujdesin e treguar gjatë gjithë ketyre muajve, dje pas testit rezultova pozitiv me COVID-19. Fatmirësisht kam simptoma të lehta dhe jam karantinuar në banesë nga ku po ushtroj në distancë detyrat. Kohëzgjatja e pandemisë na i bën të vështirë përqendrimin e përditshëm kundrejt masave, por duhet të bëjmë durim edhe pak. #MbajMaskën”