Ish-ministrja e Mbrojtjes, Mimi Kodheli ka votuar kundër ndryshimeve në qeveri. Ajo ka shtypur butonin e kuq për emërimin e Milva Ekonomit ministre të Bujqësisë dhe të Bledi Çuçit ministër të Brendshëm.
Votimi i saj ishte i papritur, duke marrë parasysh edhe faktin se një ditë më parë Kodheli e uroi publikisht Ekonomin për pozicionin e ri.
“Krenare për shoqen time të rinisë së hershme. Urime Milva! “You rock!””, shkroi Kodheli të mërkurën.
Ish-ministrja ka dhënë edhe një shpjegim për mënyrën sesi ka votuar. Sipas saj, vota është hedhur gabimisht sepse nuk ka lexuar mirë se çfarë shkruhej në dekretin e presidentit.