Presidenti i Republikës, Ilir Meta, priti këtë të premte në takim ministrin e Mjedisit dhe Urbanizimit të Turqisë, Murat Kurum.
Kreu i shtetit në këtë takim i shprehu mirënjohjen e thellë për ndihmën e menjëhershme që qeveria turke i ofroi Shqipërisë pas tërmetit tragjik të 26 nëntorit 2019.
Meta ka falenderuar gjithashtu edhe për angazhimin e Turqisë dhe Presidentit Recep Tayyip Erdogan për ndërtimin e 500 apartamenteve të banimit për të prekurit nga tërmeti në zonën e Kurbinit.
Ndër të tjera ai ka theksoi rëndësinë e bashkëpunimit me Turqinë, me qëllim forcimin e kapaciteteve të Emergjencave Civile në vendin tonë.
