Beteja mes Presidentit te Republikes Ilir Meta dhe kryetarit te Keshillit te Emerimeve ne Drejtesi, Ardian Dvorani ka hyre ne nje faze te re.
Ne fund te muajit mars kryetari i shtetit i eshte drejtuar zyrtarisht Keshillit te Larte Gjyqesor me nje shkrese per largimin e Ardian Dvoranit nga Gjykata e Larte.
Shkresa mban titullin “Mbi ndërprerjen e qëndrimit të mëtejshëm në detyrë të z. Ardian Dvorani si anëtar i Gjykatës së Lartë dhe kryesimin në vijim të Këshillit të Emërimeve në Drejtësi”.
Ajo shpjegon se me emerimin e 3 anetareve te rinj ne Gjykaten e Larte, Ardian Dvorani nuk duhet me te ushtroje detyren.
Dvorani eshte emeruar ne Gjykaten e Larte ne shkurtin e vitit 2005 dhe ai qendron ne kete detyre prej 15 vitesh edhe pse mandati i anetarit te kesaj gjykate eshte vetem 9 vjet.
Demokratet shkuan deri ne Gjykaten Kushtetuese per te larguar Dvoranin nga Gjykata e Larte ne momentin qe i perfundoi mandati dhe e fituan betejen, por ndryshimet kushtetuese ne kuader te reformes ne drejtesi i dhane atij te drejten te qendroje ne kete gjykate deri ne zgjedhjen e pasardhesit.
Me zgjedhjen e 3 anetareve te rinj, Sokol Sadushi, Ilir Panda dhe Ervin Pupe, presidenti argumenton se kushti i emerimit te pasardhesit eshte permbushur e Dvorani duhet te largohet nga Gjykata e Larte e posti i kryetarit te Keshillit te Emerimeve ne Drejtesi.
Tashme ceshtja eshte ne doren e Keshillit te Larte Gjyqesor i cili ka ngarkuar Komisionin e Zhvillimit të Karrierës për trajtimin e kesaj ceshtje.