Shkrimtari i madh Ismail Kadare feston 85-vjetorin e lindjes. Një urim ai e mori edhe nga presidenti Ilir Meta, i cili e quan gjeni të letrave. Kreu i shtetit uroi për Kadarenë shëndet dhe suksese në veprimtarinë letrare.

 

“Gëzuar ditëlindjen Ismail Kadare, gjeniu ynë i madh i letrave, shprehësi më i jashtëzakonshëm i fuqisë së mendimit, kulturës, vlerave dhe forcës krijuese të kombit shqiptar, që si askush tjetër dite t’u japësh përmasa universale, duke na bërë krenarë të gjithëve. Ishe për ne dritë në një nga periudhat më të errëta, siç vijon të mbetesh një simbol i ndritur i vokacionit tonë europian, për çka të jemi mirënjohës përjetë. Në këtë datë të shënuar për Ju, u bashkohem sot urimeve më të ngrohta të familjes së dashur Kadare dhe mbarë kombit shqiptar, për të pasur shëndet e jetë të gjatë dhe shumë suksese të reja në krijimtarinë Tuaj të shkëlqyer letrare! ”, u shpreh Ilir Meta në “Facebook”.

 

Leave a Reply

Your email address will not be published. Required fields are marked *