Presidenti i Republikës, Ilir Meta, në kuadër “Ditës Ndërkombëtare për t’i Dhënë Fund Pandëshkueshmërisë së Dhunës ndaj Gazetarëve”, ka organizuar një pritje me gazetarët dhe atashetë e shtypit të ambasadave të huaja.

 

Gjatë fjalës së tij Meta nënvizoi rëndësinë e lirisë së medias dhe gazetarëve në raportimin e ngjarjeve. Gjithashtu reu i shtetit dënoi me forcë të gjitha ngjarjet kriminale dhe kërcënimet ku pre e këtyre sulmeve kanë qenë gazetarët. Ai u bëri institucioneve ligj-zbatuese që të zbardhin këto raste.

 

“Liria e medias është një kusht i pazëvendësueshëm për garantimin e të drejtave të njeriut në një shoqëri demokratike. Kur cënohet liria dhe të drejtat e gazetarit është cënuar themeli i sistemit demokratik. Një solidaritet dua të shpreh për gazetarët e terrenit. Për ata që raportojnë ngjarjet, faktet në mënyrë të menjëhershme. Apeli im sot është që gazetarët të vijojnë pa u trembur në raportimin e lajmit dhe pa u shantazhuar nga askush. Dua të përsëris thirrjen time edhe më parë të bërë publike, ndaj institucioneve, që të zbardhen sulmet ndaj gazetarëve, fatkeqësisht të shpeshtuara, pasi çdo vonesë në këtë drejtim ndikon negativisht në lirinë e shprehjes në vendin tonë. Mosndëshkimi i tyre kundër gazetarëve duhet të marrë fund njëherë e përgjithmonë. Asnjë gazetari nuk duhet t’i rrezikohet jeta apo t’i rrezikohet vendi i punës për shkak të një lajmi”.

Leave a Reply

Your email address will not be published. Required fields are marked *