Televizioni izraelit Channel 12 News raportoi se ka pasur një “bisedë telefonike intensive” midis Donald Trump dhe Benjamin Netanyahut javën e kaluar lidhur me çështjen e Iranit, në kundërshtim me deklaratat publike rreth komunikimit të dy udhëheqësve në një atmosferë të mirë.
Sipas raportit, të riprodhuar gjithashtu nga Times of Israel, biseda u karakterizua nga mosmarrëveshje të forta, me Trumpin që i tha Netanyahut: “Dua një zgjidhje diplomatike me iranianët. Besoj në aftësinë time për të arritur një marrëveshje të mirë”.
Sipas të njëjtit burim, presidenti amerikan theksoi interesin e tij për një marrëveshje që do t’u shërbente interesave të të dyja palëve.
Nga ana e saj, megjithatë, zyra e Netanyahut mohoi se ishte një “bisedë e tensionuar” me Trumpin.
Kujtojmë se të enjten e kaluar, pas telefonatës Trump-Netanyahu , zyra e kryeministrit izraelit tha në një deklaratë se të dy udhëheqësit “ranë dakord mbi nevojën për të siguruar që Irani të mos pajiset me armë bërthamore”./vizionplus.tv
