Bie në pranga shoferi i autobusit që u aksidentua mëngjesin e sotëm në Kroaci, ku 10 persona humbën jetën dhe 45 mbetën të plagosur, 15 prej të cilëve ndodhen në gjendje të rëndë.
Zëvendësi i Prokurorit Komunal të Shtetit në Kroaci, Slavko Pranjic u shpreh se shoferi ka deklaruar se e kishte zënë gjumi për një moment nga lodhja.
“Shoferi u arrestua nën dyshimin për drejtimin e automjetit në mënyrë të papërshtatshme. Cilat janë arsyet për këtë, nuk mund të themi tani për tani. Ai deklaroi se e zuri gjumi për një moment, por ne do ta përcaktojmë atë më vonë”, tha zyrtari kroat.
Pranjic shtoi se duhen më shumë prova për të dhënë shkakun e vërtetë të aksidentit.
Sipas Ministrisë së Punëve të Jashtme dhe Diasporës në Kosovë, personat që humbën jetën janë të gjithë shtetas kosovarë që udhëtonin me linjën e rregullt, Frankfurt-Prishtinë.