Mbrëmjen e kësaj të hëne erdhën 7.020 doza të tjera të vaksinës Pfizer.
Duke paralajmëruar se në ditët në vazhdim do të vijnë edhe vaksina të tjera, kryeministri Edi Rama tha në “Facebook” se me këtë ritëm vaksinimi, Shqipëria do ta mposhtë shumë shpejt pandeminë.
“🔴 7020 doza të tjera Pfizer mbërrijnë në Shqipëri; të tjera doza Pfizer, Astrazeneca, Sinovac e Sputnik do të vijojnë të mbërrijnë dhe ne nuk do të ndalemi asnjë ditë, deri në fund😍 Ajo që dukej e pamundur deri para vetëm dy muajsh po ndodh para syve tanë çdo ditë! Shqiptarët po vaksinohen masivisht dhe Shqipëria po del nga tuneli i gjatë i pandemisë, për t’iu kthyer me të gjitha fuqitë jetës, e për të rritur ekonominë e saj duke filluar nga sezoni turistik e vijuar me paketën më të madhe në histori të investimeve të huaja, po edhe vendase, private e publike💪 Më e mira është e gjitha përpara nesh, së bashku do ta bëjmë Shqipërinë të Ardhmen tonë🤗🇦🇱
#VaksinimiNukNdalet 🧪
#ShqipëriaBuzëqesh🌼”
