Një baba është ribashkuar me djalin e tij të vogël i cili u nxor i gjallë nga rrënojat në Gaza, pasi një sulm ajror izraelit vrau 10 anëtarë të familjes së tyre.
Vogëlushi pesë muajsh i mbijetoi shpërthimit që shkaktoi shembjen e një ndërtese tre-katëshe.
Dy gra dhe tetë fëmijë nga e njëjta familje thuhet se u vranë nga bombardimi, i cili plagosi të paktën 15 njerëz.
Mohamed al-Hadidi i pikëlluar i tha “Al Jazeera-s” se ka humbur gruan katër djemtë e tij, më i madhi 14 vjeç dhe më i vogli gjashtë vjeç.
“Falënderoj Zotin që unë ende kam Omar”, tha ai në spital, ndërsa sytë i kishte me lot.
