Nga kjo e enjte, masat anti-COVID në vendin tonë u lehtësuan sërish dhe qytetarët do të kenë liridalje deri në orën 00.00.
Por për ministren e Shëndetësisë, Ogerta Manastirliu, kjo nuk do të thotë se duhet ulur vigjilenca.
Ajo bëri thirrje në rrjetet sociale që të gjithë të tregohen të kujdesshëm sepse rrezikohemi nga varianti Delta.
“Nga sot në fuqi plani i lehtësimit të mëtejshëm të masave anticovid, për t’i dhënë më shumë frymëmarrje jetës social-kulturore dhe turizmit në vend. Por mbetet ende alerti nga varianti Delta, i cili është identifikuar edhe në vendet pranë nesh, ndaj nuk duhet të ulim vigjilencën dhe duhet të ecim me shpejtësi me vaksinimin anticovid, për mbrojtjen e jetës dhe shëndetit të qytetarëve.”
