Ministrja e Shëndetësise Ogerta Manastirliu ka deklaruar nga Shtëpia e Fëmijëve në Durrës se do të vendosen agjentë dhe kamera në çdo institucion përkujdesi.

 

Ajo prezantoi skuadrat e terrenit dhe nënshkroi me drejtuesit e UNICEF dhe Save the Children memorandumin për planin e deinstitucionalizimit për fëmijët.

 

Ministrja pasi vizitoi shtëpinë e foshnjës në Shkozet të Durrësit tha se sot kemi bërë hapin e parë konkret për transformimin e institucioneve në shtëpi-familje.

 

Shtëpiza nr. 1 e Shtëpisë së Fëmijëve Durrës tashmë është mirëfilli një shtëpi familje, ku 8 fëmijë jetojnë në një ambient familjar, si në cdo shtëpi.

 

Ndërkohë është kryer inspektimi i plotë i 9 institucioneve sociale për fëmijët dhe është bërë i mundur një vlerësim paraprak i kushteve fizike dhe sigurisë së tyre, për t’u përshtatur dhe organizuar me organizimin e modelit shtëpi –familje, sic është shtëpia e Durrësit, e cila pritet të jetë një model për të gjithë vendin.

Leave a Reply

Your email address will not be published. Required fields are marked *