Ish-ministri i Financave, Arben Malaj gjykon se në këtë mandat të tretë, shqiptarët rrezikojnë të keqqeverisen.

 

Në një lidhje direkte me edicionin qendror të lajmeve në “Vizion Plus”, Malaj shprehet se programi qeverisës “Rama 3” që u prezantua dje në parlament, sipas tij, tregoi se edhe në katër vitet e ardhshme vendi do të qeveriset nga i njëjti “agresivitet dhe mungesë produktiviteti”.

 

“Një program prej 44 faqesh dhe një seancë që vazhdon deri në 6 të mëngjesit, është mjaftueshëm për të kuptuar sa në rrezik është keqqeverisja në mandatin e tretë. Të bëjë ironi me popullin e tij si punëtor i madh, kjo do të thotë që do të kemi të njëjtin agresivitet dhe mungesë produktiviteti. Ne rrezikojmë nga një keqqeverisje në mandatin e tretë. Sa më shumë ta përçmojnë opozitën e një vendi dhe të mendojnë  që do ta mbulojnë marketingun e hidhur me marketingun dixhital, që kushton miliona dollarë, aq më shumë ka rrezik për shqiptarët që të keqqeverisen. Mua më shqetëson fakti, nuk kamë parë asnë asnjë rast që një qeveri të paraqesë një program me 44 faqe. Do shpresoja që ta ndiejnë përgjegjësinë e mandatit të tretë. Nuk kemi nevojë që të kalojmë nga një krizë në tjetër. Vizioni i Ramës është: hajdeni në Shqipëri sepse nuk ka sindikatë.”

Leave a Reply

Your email address will not be published.