Të paktën nëntë njerëz kanë vdekur në qytetin Vankuver në Kanada pasi një automjet u fut përmes një turme njerëzish në një festival në rrugë herët këtë të diel.
Disa të tjerë raportohet të jenë plagosur.
Lexo edhe :
Related Posts
Policia tha se ka arrestuar një 30-vjeçar nga Vankuveri në vendin e ngjarjes dhe se i dyshuari është emër i njohur për ta, por nuk dha më shumë hollësi.
I dyshuari u ndalua fillimisht nga personat që ndodheshin afër në momentin e përplasjes më pas u mor nga autoritetet.
Paraprakisht policia sqaroi se nuk ka asnjë indicie që e lidh ngjarjen me aktet terroriste, megjithatë hetimet do të nxjerrin më shumë detaje.
Incidenti ndodhi pak pas orës 20:00, me kohën lokale, pranë një rruge ku po zhvillohej Festa e Ditës së një heroi kombëtar filipinas.
Në festë kishte mijëra persona të pranishëm. Ndërkohë autoritetet kanë ngritur struktura të përkohshme që do të qëndrojnë në gatishmëri për t’ju ardhur në ndihmë qytetarëve të prekur nga incidenti.
