Një tjetër kërcënim ka alarmuar autoritetet në Britani të Madhe, teksa një pako e dyshimtë është gjetur në një makinë të parkuar pranë Parlamentit në Londër.
Në vendngjarje ka shkuar skuadra anti-bombë, e cila do të verifikojë pakon e dyshimtë nëse ka material shpërthyes apo është alarm i rremë.
Ndërkohë, është pezulluar evakuimi i stafit të Parlamentit, që kishte nisur pas ngjarjes në hyrje të godinës, ku një agresor përplasi me makinë 12 këmbësorë dhe qëlloi me thikë një oficer policie, para se të vritej nga policia.
Zhvillime të mëparshme
Në afërsi të parlamentit të Britanisë së Madhe janë dëgjuar të shtëna armësh nga një ose disa persona ende të paidentifikuar. Sipas njoftimeve duhet të ketë edhe ka të plagosur.
Në deklaratën e policisë britanike, thuhet se në afërsi të parlamentit janë dëgjuar të shtëna armësh nga një person ose nga disa persona ende të paidentifikuar.
Policia britanike njoftoi se në urën Westminister, në afërsi të parlamentit, janë dëgjuar të shtëna armësh dhe se janë informuar forcat e sigurisë.
Askush nuk është lejuar që të dalë jashtë parlamentit. Disa dëshmitarë okularë thanë se brenda parlamentit gjendet një sulmues me thikë në dorë.
