Njëqind municione, duke përfshirë, bomba 2000 lb të prodhuara nga SHBA, u përdorën nga forcat ajrore izraelite në sulmin ajror të së premtes në mbrëmje që vrau liderin e Hezbollahut, Hassan Nasrallah. Ky i fundit, u ekzekutua në një kompleks nëntokësor të fshehur në periferinë jugore të Bejrutit.
Nasrallah ishte i kujdesshëm lidhur me sigurinë e tij dhe merrte masa deri në detaj për t’i shpëtuar një komploti të mundshëm.
Lexo edhe :
Related Posts
Por informacioni i inteligjencës së Hezbollahut ishte aq i saktë sa Izraeli e dinte se Nasrallah dhe anëtarë të tjerë të mbijetuar të udhëheqjes, tashmë të shkatërruar të Hezbollahut, do të takoheshin në vendin e supozuar sekret, ndaj IDF ishte në gatishmëri për të dhënë urdhër për sulm ndaj tyre.
Benjamin Netanyahut iu kërkua të jepte lejen për të ndërmarrë sulmin, ndërsa ndodhej në Neë York, ku kryeministri izraelit kishte mbajtur një fjalim lidhur me luftën në asamblenë e përgjithshme të OKB-së. Me sa duket, kishte pak kohë për të menduar e vepruar.
Sipas një raporti me burime jozyrtare, në gazetën franceze Le Parisien, burimi që informoi izraelitët se Nasrallah po shkonte për në bunker ishte iranian. Nëse është e vërtetë, do të kishte vend për dyshime, duke pasur parasysh se Irani është mbështetësi kryesor i Hezbollahut.
Raportet pas sulmit tregojnë se Izraeli kishte kohë që mbante nën vrojtim zonën ku ndodhi sulmi. Komandanti i skuadronit të 69-të të avionëve F-15I që kryen sulmin, i quajtur në mediat izraelite vetëm si nënkoloneli M, tha se ekuipazhet ajrore të përfshirë po përgatiteshin prej disa ditësh, megjithëse atyre iu tha për objektivin e synuar vetëm disa orë më parë. Avionët F-15I ishin të armatosur për të goditur dhe shkatërruar, duke përdorur një sasi të madhe eksplozivi, shpërthimi i së cilit mund të huidhte në erë dhe ndërsat pranë.
Justin Bronk, një ekspert i aviacionit me institutin e Institutit Mbretëror të Shërbimeve të Bashkuara, tha se forcat ajrore izraelite ndoshta do të kishin përdorur raketa të komanduara në sulmin e drejtpërdrejtë, të pajisura me siguresa depërtuese të dizajnuara për të shpërthyer pasi prek një ndërtesë apo tokën. Oficerët e forcave ajrore izraelite thanë se gjatë sulmit, të quajtur Operacioni Rendi i Ri, u përdorën rreth 100 municione dhe se bombat hidheshin “çdo dy sekonda” .
Katër ndërtesa banimi u goditën, tre u shkatërruan plotësisht, duke lënë pas vetëm kratere që digjeshin dhe dy të tjera u dëmtuan nga sulmi. Vlerësimet fillestare në terren sugjeruan se 300 njerëz mund të jenë vrarë, megjithëse numërimi zyrtar i Libanit ishte se 11 u vranë dhe 108 u plagosën. Izraeli tha se kishte vrarë më shumë se 20 anëtarë të Hezbollahut dhe se sulmi ishte i justifikuar sepse “Nasrallah ndërtoi qëllimisht selinë qendrore të Hezbollahut nën ndërtesat e banimit në Dahiya”.
Dilema qëndron në faktin se përse Nasrallah e ndjeu të nevojshme të takonte personalisht anëtarë të tjerë të Hezbollahut.
Ndoshta ishte teknologjia e vjetër, që dikur ishte e preferuar nga Nasrallah, por ai nuk kishte më besim te telefonat celularë për shkak të frikës nga gjurmimi, dhe me mosbesimin të të gjitha mjeteve elektronike, një takim ballë për ballë mund të ketë qenë mënyra e vetme për të diskutuar përshkallëzimin e krizës nga Izraeli.
Sido që të jetë, tani është e qartë se Izraeli ka shpalosur një plan të orkestruar në dy javët e fundit për të sulmuar dhe shkatërruar udhëheqjen ushtarake të Hezbollahut, nga sulmi me “bipera” deri te disa raunde sulmesh ajrore.
Suksesi i Izraelit në vrasjen e Nasrallahut dhe liderëve të tjerë mund të ketë ardhur vetëm nga informacionet e marra nga dikush afër organizatës. Mattheë Savill, një analist ushtarak tha se Izraeli ndoshta ka kaluar vite duke ndërtuar dhe mbështetur një zgjerim të inteligjencës të Hezbollahut, duke përfshirë “një element të burimeve njerëzore të përfshirë, për ta mbajtur atë të informuar”./vizionplus.tv
