Adriatik Llalla e priste në zyrë ardhjen e kryeprokurores së re Arta Marku.
Për këtë pranë organit qendror të akuzës ishin mbledhur dhe efektivë të policisë e ato Shqiponja, kjo për shkak të situatës së pazakontë të zgjedhjes së saj nga parlamenti në krye të Prokurorisë së Përgjithshme.
Por atëherë kur pritej ardhja e saj, Marku u nis drejt Shkodrës aty ku dhe banon.
Automatikisht 41-vjecarja nga Puka pas votimit, shoqërohet me eskortën e gardës, ndërsa burimet thanë se Marku u nis drejt zyrës së saj ku punoi për disa vite.
Zgjedhja e Kryeprokurores së re u bë përmes një seance të tensionuar, ku nuk munguan as tymueset dhe flakadanët nga deputetët e opozitës.
Dorëzimi i detyrës nga Adriatik Llalla pritet të bëhet gjatë së martës.
