Policia e Tiranës ka arrestuar në flagrancë shtetasin Leonardo Rakipllari, 29 vjeç, banues në kryeqytet.
Gjatë kontrollit të ushtruar në mjetin tip “Audi”, në rrugën “Isuf Elezi”, pasagjerit të mjetit, shtetasit Leonard Rakipllari, i është gjetur në çantën e tij të krahut, një armë zjarri e llojit pistoletë tip “Zastava”, të cilën e mbante pa leje.
Në cilësinë e provës materiale u sekuestrua arma e zjarrit pistoletë dhe një krehër me 12 copë fishekë.
Ai akuzohet per vepren ”Mbajtja pa leje e armëve luftarake dhe municionit”.
