Kryeministri në detyrë i Kosovës, Albin Kurti deklaroi se ka një nevojë imediate për të mbajtur zgjedhje në vend.

Ai tha në rrjetet sociale se vetëm kështu do të ruhet shëndeti i demokracisë. Kurti propozoi që edhe kosovarët të votojnë si në vendet e tjera.

“Ngërçi institucional shfaqet vetëm kur përjashton zgjedhjet. Sot u bënë dy muaj nga mocioni i mosbesimit. Më 25 mars krizës shëndetësore iu pat shtuar edhe ajo politike. Mirëpo, ne po ia dalim. Dje ishte dita e parë, që nga 13 marsi, pa të infektuar me virusin Corona. Ngërç institucional? Nuk është e vërtetë. Mospajtime ka, por edhe zgjidhje ka. Në përputhje me Kushtetutën tonë nevojiten zgjedhje të reja. Ato tashmë po mbahen anembanë Evropës. Pas shëndetit të popullsisë dhe ekonomisë, është në pyetje edhe shëndeti i demokracisë. Zgjedhje do të ketë në qershor në Islandë, Francë dhe Serbi, kurse në korrik në Maqedoninë e Veriut, Spanjë dhe Kroaci. Duhet të kemi zgjedhje edhe në Kosovë e aso lokale në Podujevë. Madje, mundet edhe njëkohësisht.”

Presidenti Hashim Thaçi deklaroi këtë të hënë se kryeministri në detyrë po sillet si i jashtëligjshëm, duke shtuar se ka uzurpuar zyrën e kryeministrit.

Leave a Reply

Your email address will not be published. Required fields are marked *