Drejtori i përgjithshëm për fqinjësi dhe negociata për zgjerim të Komisionit Evropian, Kristian Danielsson i ka bërë të qartë Kosovës se lufta ndaj krimit të organizuar e korrupsionit, si dhe ratifikimi i marrëveshjes së demarkacionit me Malin e Zi, janë dy kushtet e fundit për liberalizimin e vizave.
Por duket se demarkacioni me Malin e Zi do t’i kushtojë Kosovës për shkak se kryeministri Haradinaj tha sot në kuvendin e Kosovës, se vota e tij është kundër versionit aktual të marrëveshjes. Nga ana tjetër, kryeministri malazez këmbëngul se Podgorica e ka firmosur njëherë marrëveshjen për çështjen e kufirit dhe nuk pranon të negociojë, qoftë edhe për një centimetër.
