Kreu i Partisë Demokratike, Lulzim Basha foli edhe për inceneratorët ne daljen e tij për mediat këtë të shtunë, ku i konsideroi aferë të pastër kriminale.
Basha deklaroi se pas 25 prillit, për aferat të cilat ai i quajti korruptive, përgjegjësit do të përballen me drejtësinë.
“Çdo kontratë e inceneratorëve e lidhur në kushtet e korrupsionit është e pavlefshme. Brenda javës së ardhshme do ta shpalosim këtë plan. Inceneratori i Elbasanit” mbase do të jenë dhe të dënuar nesër. E kapi gazetari me presh në duar Ramën kur i tha sa energji ke punuar me këtë. inceneratori i Elbasanit, si i fierit janë afera të pastra mafioze. I Elbasanit nuk punon, sado pak energji prodhon ai nuk punon. Kanë marrë 75 milion euro të shqiptarëve dhe ia kanë dhënë një neriu të vetëm. PD nuk ia mbyll dot gojën. Pas 25 prillit të gjithë do të jenë nën akuzë.”
Për Bashën, vendi po qeveriset nga banda, ndërsa akuzoi kryeministrin Edi Rama se me lekët e koncesionarëve, do të blejë votat e qytetarëve në zgjedhjen e 25 prillit.
