Kryetarja e LSI, Monika Kryemadhi mblodhi në një takim këtë të diel disa djem e vajza të që në 25 prill do të votojnë për herë të parë.
Ky grup, sipas Kryemadhit, ka qenë një nga pikat më mbështetëse të LSI dhe prandaj ata duhen dëgjuar. Ajo akuzoi kryeministrin Edi Rama se po vret shpresën tek të rinjtë.
“Votuesit për herë të parë janë një nga pikat kryesore dhe faktikisht kanë qenë dhe një nga pikat më mbështetëse të LSI. Ju jeni personat kryesorë të votuesve për herë të parë që punojnë në grupin e Tiranës dhe ndërkohë janë dhe shumë djem dhe vajza të tjerë që janë në këtë trajnim dy ditor të LRI. Një nga pikat kryesore jo vetëm për evidentimin e tyre dhe angazhimin e tyre që në 25 prill të shkojnë të votojnë sepse 98 ditë janë ato që na ndajnë nga 25 prilli. Pra ka filluar countdoëni të pakësojë ditët. Ajo qe është shumë e rëndësishme është dhe përfshirja e tyre, ngritja e problematikave, hartimi i disa planeve pune jo vetëm nga ana e maturantëve dhe studentëve por dhe për të krijuar një strategji përsa i përket punësimit dhe konkurrencën në tregun e punës. Një nga problemet kryesore që ka sot rinia shqiptare. Çdo ditë duhet të motivohen votuesit për herë të parë që janë elementë që duhet të përdoren. Ata po largohen nga vendi. Rama po i motivon për t’u larguar. Shqipëria është e shqiptarëve, jo e Lulit, e Monikës, dhe e Ramës. Ai merr guximin; duroni kush duron, dhe pjesa tjetër të ikë. S’mund të lejojmë që dikush të marrë të ardhmen tuaj.”
Monika Kryemadhi e ndali theksin edhe tek arsimi. Ajo nënvizoi se investimi i LSI në këtë drejtim nuk do të mungojë.
“Ne një nga pikat kryesore kemi arsimin. Sepse arsimin nuk e shikojmë si shpenzim, e shikojmë si investim. Jo vetëm ligjin e arsimit të lartë, jo vetëm maturën shtetërore por gjithë ndërtimi i sistemit arsimor për LSI është shumë i rëndësishëm. Një sistem arsimor i cili krijon hapësira jo vetëm për nxënësit dhe studentët cilësorë por krijon dhe një hapësirë të jashtëzakonshme përsa i përket punësimit të mirëpaguar. Po kështu kemi vendosur në program strategjinë Mëso dhe Fito që ju jeni jo vetëm kërkuesit dhe propozuesit kryesor por jeni dhe përfituesit kryesor. Kështu që ne duhet të mos ndalojmë. Këtë eksperiencë tuajën përsa i përket votuesve përherë të parë, evidentimin e tyre, kontaktin e tyre, ta shtrijmë në të gjithë Tiranën por dhe në të gjitha e tjera siç janë Elbasani, Durrësi, Korça, Vlora ku faktikisht dhe ju me pikat e kontaktit që keni do të fillojmë drejt përfundimit dhe evidentimit të tyre.”
