Kryetarja e LSI-së Monika Kryemadhi rikonfirmoi nga Vlora pjesëmarrjen e saj në tubimin e 2 marsit, thirruar nga presidenti Ilir Meta.

 

Gjatë fjalës së saj, Kryemadhi theksoi se nuk do jetë në bulevard për shkeljet kushtetuese të bëra nga kryeministri Edi Rama, po për “përrallat mashtruese të Rilindjes që ka ndërtuar për Shqipërinë”.

 

“Duke përfituar nga ky takim në Vlorë, dua të bëj edhe njëherë të ditur qëndrimin tim jo si kryetare e LSI, por si qytetare që unë më 2 mars do të jem në Bulevardin “Dëshmorët e Kombit”. Nuk do të jem për Ilir Metën si President, as për shkeljen kushtetuese që ka bërë Rilindja dhe Edi Rama, sepse ata e kanë bërë gjithmonë atë gjë. Do të jem në bulevard për të treguar që e gjithë historia e rilindjes që ka ndërtuar dhe gjithë fabula dhe përralla mashtruese e Rilindjes dhe Edi Ramës që ka ndërtuar për Shqipërinë, jo vetëm që është një mashtrim i madh për shqiptarët, por është një mashtrim i madh edhe për ndërkombëtarët të cilëve do t’u bjerë në kokë mashtrimi që kanë ndërtuar dhe që është ndërtuar.”

 

Kryemadhi tha mes të tjerash se do t’i bashkohet tubimit për shkak të taksave të larta dhe mungesës së punës për të rinjtë.

 

“Unë në 2 mars do të jem si qytetare, si nënë. Do të jem atje sepse kjo Rilindje dhe ky Parlament ilegjitim, i cili pa pikë turpi falsifikojnë një ligj, një dokument zyrtar ditën për diell. Të jeni të bindur që do të na falsifikojnë edhe fëmijët në maternitete kur ti lindin shqiptarët. Do ti ndërrojnë atësitë dhe kombësitë fëmijëve tanë dhe për më shumë do të na bëjnë popull sharlatan. Prandaj do të jem atje për të qenë një shqiptare dinjitoze si të gjitha gratë shqiptare që luftojnë për fëmijët e tyre, sepse unë besoj dhe do të bëj çdo gjë që Shqipëria të jetë shtëpia jonë dhe e të gjithë shqiptarëve.”

Leave a Reply

Your email address will not be published. Required fields are marked *