Kryetari i Komisionit të Prokurimit Publik, Jonaid Myzyri, është marrë sërish në pyetje nga Prokuroria e Posaçme, në cilësinë e personit nën hetim, për “shpërdorim detyre” dhe “favorizim të kompanive në tendera”.
Sipas burimeve, gjatë marrjes në pyetje ishte i pranishëm edhe avokati i tij, Ermir Beta. Por deri më tani nuk është ngritur asnjë akuzë zyrtare ndaj tij.
Kjo është hera e tretë që Myzyri paraqitet në SPAK. Hera e fundit ishte më 7 prill, kur ai qëndroi më shumë se dy orë dhe pas daljes nuk bëri asnjë deklaratë për mediat.
Jonaid Myzyri drejton Komisionin e Prokurimit Publik që prej vitit 2020. Ky institucion është organi më i lartë administrativ në fushën e prokurimeve publike dhe trajton ankesat që lidhen me procedurat e tenderave, koncesioneve, partneritetit publik-privat, ankandeve publike dhe dhënien e lejeve minerare përmes procedurave konkurruese.
/vizionplus.tv
