Krerët e shtetit janë mbledhur në qytetin e Vlorës për ceremoninë e ngritjes së Flamurit.
108-vjetori i shpalljes së Pavarësisë ka bërë bashkë presidentin Ilir Meta, kryeparlamentarin Gramoz Ruçi dhe kryeministrin Edi Rama.
Gjatë një prononcimi për mediat, kreu i qeverisë uroi veçanërisht Hashim Thaçin dhe ish-luftëtarët e tjerë të UÇK.
“Uroj gjithë shqiptarët kudo që janë, këtë ditë të bekuar të Flamurit tonë kombëtarë, të Pavarësisë së Shqipërisë. Në këtë ditë që është dhe dita e lindjes së Komandantit Adem Jashari. Dëshiroj t’i uroj Pavarësinë dhe Ditën e Flamurit dhe Presidentit Hashim Thaci që nuk gjendet sot në shtëpi”, deklaroi Rama.
