Kosova ka reaguar lidhur me konfliktin mes izraelitëve e palestinezëve. Ministria e Jashtme e Kosovës thekson se Hamasi po i mban civilët palestinezë si pengje të luftës së tij, ndërsa bëhet thirrje për ndalimin e dhunës dhe arritjen e një zgjidhjeje paqësore.
“Izraeli ka të drejtën dhe detyrimin të mbrojë popullin e tij kundër 2,000 raketave të shkrepura ndaj civilëve, vetëm nga Hamasi”, thuhet në njoftimin e Ministrisë së Kosovës.
Kujtojmë se vetëm disa javë pas vendosjes së marrëdhënieve diplomatike me shtetin e Izraelit shkurtin e këtij viti, Kosova hapi zyrtarisht ambasadën e saj në Jerusalem.
Nga ana tjetër, Palestina nuk e ka njohur ende pavarësinë e Kosovën, duke e konsideruar pjesë të Serbisë.
