Shqipëria ka bërë përparime në disa sektorë gjatë këtij viti, vlerësoi Bashkimi Europian në progres raportin e publikuar ditën e djeshme. Por raporti evidenton gjithashtu edhe fushat ku Shqipëria ka bërë më pak përparim.
Ditën e sotme, kreu i qeverisë, Edi Rama dhe Ambasadori i Bashkimit Europian, Silvio Gonzato mbajtën një konferencë të përbashkët për shtyp në ambientet e kryeministrisë ku diskutuan gjetjet e progres-raportit. Ambasadori theksoi se korrupsioni mbetet ende problem, ndërsa vlerësoi punën e SPAK.
Gonzato: Raporti thekson se në lidhje me funksionimin e gjyqësorit Shqipëria gjenjet ndërmjet një niveli të moderuar. Rezultate pozitive janë arritur me zbatimin e Reformës në Drejtësi. Raporti vëren miratimin e strategjisë antikorrupsion 2024-2030. Megjithatë korrupsioni mbetet i përhapur në sektorë të ndjeshëm dhe deri tani përpjekjet kanë pasur ndikim të kufizuar. Në luftën kundër krimit të organizuar raporti vëren se janë arritur rezultate të mira falë efikasitetit të SPAK për të goditur grupet e organizara. Shqipëria gjithashtu ka fuqizuar luftën kundër pastrimt të parave. Duhet që të vijojnë përpjekjet kundër dhunës me bazë gjinore.
Sa u përket të drejtave të pronësisë nevojiten përparime në regjistrimin fillestar, digjitalizimin. Një fund një fushë e rëndësishme është liria e shrpehjes ku raporti vëren se Shqipëria është mes nivelit të moderuar dhe të caktuar por ka bërë vetëm përparim të kufizuar. Rreth 90% e shqiptarëve dëshirojnë ta shikojnë Shqipërinë në BE. Qeveria shqiptare duhet t’i përgjigjet kësaj pritshmërie./vizionplus.tv
