Kontakti i fundit me ta ishte të dielën. Një vajzë 21-vjeçare flet në frëngjisht dhe kërkon ndihmë. Ajo thotë se është shtatzënë dhe se po udhëton me një vazjë 7-vjeçare.
“Vajza është shumë e sëmurë, nuk ka ujë ose ushqim. Ata na thonë se do të vijnë të na marrin, por askush nuk do të vijë. A mund të na ndihmojë dikush ju lutemi?”
Ndërsa një tjetër tregon se në bordin e anijes së braktisur në det ka dy trupa të pajetë.
“Ka dy të vdekur, ne kemi pritur për katër ditë, ne nuk e dimë se ku jemi, kemi nevojë për ndihmë menjëherë. Ju lutemi.”
Thirrjet e dëshpëruara për ndihmë janë regjistruar nga centrali “Alarm Phone” në Itali.
Thirrjet vijnë nga një prej katër anijeve, e cila ka 47 persona në bord dhe për ditë me radhë janë të braktisur sepse askush nuk ka shkuar për shpëtimin e tyre.
Ende nuk dihet se tek cila anije ndodhen emigrantët dhe sa të vdekur ka në bord.
Dje, kreu i Mbrojtjes Civile në Itali, Angelo Borrelli nënshkroi një urdhër për dërgimin e një anijeje me personel mjekësor të Kryqit të Kuq në bord për të akomoduar emigrantët.