Pasi shpjegoi në serinë e fundit të reality show-t, se cfarë kishte ndodhur në Paris, zbulohet së fundmi edhe dëshmia që dha Kim Kardashian në polici për 5 grabitësit, e te kush dyshonte.
36-vjeçarja shprehet në dëshmi: “Dy javë përpara se të largoheshim, kishim frikë se mbase bëheshim viktima të ndonjë akti terrorist. Kur Kourtney filloi të kishte probleme me pasaportën, mendova se diçka shumë e keqe do të na ndodhte. Kisha një parandjenjë të tmerrshme.”
Ylli i realit showt “The Kardashian”, thotë se dyshon shumë tek shoferi i saj, Michael Madar dhe vëllai i tij, duke qënë se përpara se ajo të shkonte në Paris, dy vëllezërit i kishin dërguar mesazh për t`i ofruar shërbimet e tyre krejtësisht falas.
Sa i përket serisë së fundit të reality show-t, Kim u tha motrave Khloe dhe Kourtney: “Mendova se ishte Kourtney dhe Stephanie të dehura. Por e kuptova që diçka nuk po shkonte mirë. Pash më pas tre djem të veshur me uniformë policie. U ula në krevat, mora telefonin por nuk dija t`i telefonoja policisë në një vend tjetër. Kështu që mora bodyguardin tim Pascal. Ata erdhën më morën telefonin, dhe më hodhën në krevat. Aty thash me vete, kaq ishte!”
