Ambasadorja e SHBA-në në Tiranë, Yuri Kim shprehet se mbështet përpjekjet e KQZ-së për të siguruar zgjedhje të lira dhe të ndershme në zgjedhjet parlamentare të 25 prillit.

“Ne mbështesim përpjekjet e KQZ-së për të siguruar zgjedhje të lira dhe të ndershme në 25 Prill duke zbatuar ID biometrike dhe masa të tjera të nevojshme; sigurimin e kandidatëve të pastër; parandalimin e blerjes së votave dhe manipulimin e tyre. “

Nga ana tjetër, ambasada e SHBA-ve ka treguar detaje nga takimi i ambasadores Kim me kreun e KQZ, Ilirjan Celibashi.

Në takim, kryediplomatja ka nënvizuar nevojën për të zbatuar në kohë dhe mënyrën efikase të identifikimit biometrik. Ajo i ka kërkuar kreut të KQZ që të marrë të gjitha masat për të parandaluar blerjen dhe manipulimin e votave.

“Teksa edhe 100 ditë na ndajnë nga zgjedhjet parlamentare shqiptare më 25 Prill, Ambasadorja Kim u takua me Kryetarin e KQZ-së Celibashi dhe Zëvendës Kryetaren Pelinku për të shprehur mbështetjen për rolin e tyre kritik në sigurimin e zgjedhjeve të lira dhe të ndershme. Ajo nënvizoi nevojën për të zbatuar në kohë dhe mënyrën efikase identifikimit biometrik dhe masa të tjerë të nevojshme. Duke kujtuar letrën e saj të 31 gushtit drejtuar Kryetarëve të Partive, ajo kujtoi KQZ-në për përgjegjësinë e saj për t’u siguruar që kandidatët të jenë në përputhje me ligjin shqiptar. Ajo nënvizoi mbështetjen e Shteteve të Bashkuara të Amerikës për përmbushjen e kërkesave të popullit shqiptar për politikë më të pastër, duke filluar nga politikanë më të pastër. Në këtë drejtim, ajo përmendi se Sekretari Amerikan i Shtetit ka përcaktuar publikisht individë të caktuar për korrupsion madhor. Këto përcaktime mbeten në fuqi. Ata ranë dakord që KQZ-ja duhet të marrë të gjitha masat e mundshme, jo vetëm për të mundësuar ndjekjen penale të shkeljeve, por së pari për t’i parandaluar shkeljet, përfshirë duke zbatuar masa për të parandaluar blerjen e votave dhe manipulimin e votave. Shtetet e Bashkuara mbeten një mbështetës i palëkundur i Shqipërisë dhe popullit shqiptar ndërsa ata punojnë për një demokraci më të mirë, udhëheqës më të mirë dhe një të ardhme më të mirë.”

“Smartmatic” pritet te jete kompania qe do te mundesoje zbatimin e teknologjise ne zgjedhje, dhe konkretisht ne identifikimin biometrik te votuesve.

Leave a Reply

Your email address will not be published. Required fields are marked *