Këshilli i Europës ka lëshuar një deklaratë në lidhje me procesin zgjedhor të 30 qershorit në Shqiperi.
Zëdhënësi i Sekretarit të Përgjithshëm të Këshillit të Evropës referuar situatës para zgjedhjeve lokale në Shqipëri, deklaron se procesi I 30 qershorit duhet të zhvillohet në përputhje me detyrimet dhe standartet ndërkombëtare
Ne po e ndjekim me vëmendje situatën para zgjedhjeve të 30 qershorit në Shqipëri, të cilat duhet të zhvillohen në përputhje me të gjitha detyrimet dhe standardet ndërkombëtare për zgjedhje dhe po ashtu në përputhje me legjislacionin kombëtar.
Sekretari i përgjithshëm i KiE, kujdeset të sjelle në vemendje edhe diskutimin mbi mos sjelljen e vëzhguesve për këtë proces, duke rikujtuar se Këshilli i Europës ka marrëdhënie të konsoliduar me OSBE-ODIHR nëpërmjet delegacionit të të cilit monitoron zgjedhjet ne vendin tonë.
Në këtë kontest, ne duam të rikujtojmë se Këshilli i Evropës ka një marrëdhënie të gjatë dhe mjaft të konsoliduar me OSBE/ODIHR-in, i cili ka dërguar një mision për mbikëqyrjen e zgjedhjeve në Shqipëri.
