Policia e Shkodrës ka arrestuar një 19-vjeçar i cili akuzohet për mashtrim përmes krimit kibernetik. Sipas njoftimit zyrtar, ben te ditur Vizion Plus, është proceduar në gjendje të lirë edhe bashkëpunëtori i tij një 22-vjeçar.
Policia ka sqaruar se dy të rinjtë kishin hapur 10 profile në rrjetin social ‘facebook’ aty ku kërkonin 25 mijë euro në emër të një personi të sëmurë.
Gjatë komunikimit me njerëzit online, i riu u dërgonte të dhënat se ku do të dërgoheshin këto ndihma financiare. Sipas hetimeve, 22-vjeçari ishte ai që bënte të mundur tërheqjen e parave. Ndërkohë personi në nevojë nuk kishte njohje me dy të rinjtë.
Gjatë kontrollit të banesës u sekuestruan 2 celularë, karta sim dhe dokumente të llogarive bankare. Dy të rinjtë akuzohen për mashtrimi kompjuterik.
