Vetëm një ditë pasi Ministria e Infrastrukturës dhe Energjisë vendosi rinisjen e transportit publik në datën 15 qershor, shoqata e transportit ka nisur protestat duke paralajmëruar rritjen e çmimit të biletave.
Përfaqësues të kompanive të transportit publik dhe atij ndërqytetas kërkuan plotësimin e 6 pikave për të cilat i janë drejtuar disa herë Ministrisë së Infrastrukturës, por pa marrë përgjigje.
Vendimi i ministrisë për rinisjen e transportit publik në datën 15 qershor, erdhi pas konsultimeve me autoritetet shëndetësore dhe grupet e interesit.
Shoqatat e transportit i lënë një javë kohë ministrisë së linjës për të plotësuar kërkesat e tyre.
